पाल्पा — तीन दिनअघि पाल्पाको तिनाउ खोलामा डुबेर बेपत्ता भएका भारतीय पर्यटक शुक्रबार मृत अवस्थामा फेला परेका छन् । तिनाउ गाउँपालिका–३, दोभान ड्यामसाइडस्थित हेडबक्स नजिकै भारतको उत्तरप्रदेश सिद्धार्थनगर नौगढ बस्ने २२ वर्षीय सौरभ रस्तोवी बेपत्ता भएका थिए ।
बुधबार ५ जनाको समूहमा आएका उनीहरुमध्य सौरवी पौडी खेल्ने क्रममा डुबेर बेपत्ता भएका थिए । उनको शव डुबेको स्थानदेखि ५० मिटर तल्लो भागमा फेला परेको हो । स्थानीय दोभान प्रहरी चौकी, सशस्त्र प्रहरी स्थानीय बासिन्दा लगायतको टोलीले भारतीय पर्यटक डुबेको स्थान वरपरसमेत खोजीकार्य गरेका थिए ।
डुबेर बेपत्ता भएको थाहा पाएपछि स्थानीय बासिन्दाका साथै दोभान प्रहरी चौकीको टोली खोजी कार्यमा जुटे पनि बुधबार मात्र मृत अवस्थामा फेला परेको प्रहरी उपरीक्षक दिपेन्द्र पञ्जियार थारुले जानकारी दिए ।
