हत्याका मुख्य आरोपीलाई प्रहरीले गोली हानेर समात्यो
काठमाण्डौ – प्रहरीले गोली प्रहार गरेर व्यक्ति हत्याका फरार आरोपीलाई पक्राउ गरेको छ । हिजो कीर्तिपुरको चोभार नजिकै प्रहरीले गोली हानेर सुजन शाहीलाई पक्राउ गरेको हो ।
अघिल्लो हप्ता कीर्तिपुरमा गुल्मीका विपिन घिमिरेलाई धारिलो हतियार प्रहार गरी हत्या गरिएको घटनाका मुख्य आरोपी शाहीलाई पक्राउ गर्ने क्रममा प्रहरीमाथि नै आक्रमण गर्न थालेपछि गोली हानेर समात्नु परेको काठमाण्डौ उपत्यका अपराध अनुसन्धान कार्यालयले जनाएको छ ।
घुँडामुनि गोली लागेका उनको उपचार भइरहेको छ । गएको वैशाख २३ गते कीर्तिपुर नगरपालिका पोडेटोलमा विपिन घिमिरेको हत्या भएको थियो । यसअघि हत्या अभियोगमा प्रहरीले तीन जनालाई पक्राउ गरिसकेको छ ।
