चितवन, राप्ती ।
आज मिति २०८३/०१/२४ गते भण्डारा माध्यमिक विद्यालयमा ११ सदस्यीय युवा रेडक्रस सर्कल पुनर्गठन गरिएको छ । विद्यालय प्राङ्गणमा सम्पन्न कार्यक्रम भूमिका सापकोटाको अध्यक्षतामा सम्पन्न भएको हो ।
पुनर्गठित युवा रेडक्रस सर्कलको अध्यक्षमा भूमिका सापकोटा चयन भएकी छन् । त्यसैगरी उपाध्यक्षमा सुप्रिया तामाङ, सचिवमा प्रज्वल कुँवर, सह–सचिवमा विशेष ढकाल तथा कोषाध्यक्षमा कृष्ण पाठक चयन भएका छन् । सदस्यहरूमा आयुषा पाण्डे, स्वरुप पाठक, विकास पौडेल, अर्पन चौधरी, प्रशंसा कंडेल र सुकान्त सापकोटा रहेका छन् ।
कार्यक्रममा विद्यालयका शिक्षक तथा विद्यार्थीहरूको सहभागिता रहेको थियो । कार्यक्रममा बोल्दै सहभागीहरूले युवा रेडक्रस सर्कलले विद्यालयमा सामाजिक सेवा, मानवीय भावना, स्वास्थ्य सचेतना तथा विपद् व्यवस्थापन सम्बन्धी गतिविधिहरू सञ्चालन गर्न महत्वपूर्ण भूमिका खेल्ने विश्वास व्यक्त गरेका थिए ।
नवनिर्वाचित पदाधिकारीहरूले विद्यालय तथा समुदायमा सकारात्मक र सेवामूलक कार्य गर्दै युवा रेडक्रस अभियानलाई थप प्रभावकारी बनाउने प्रतिबद्धता व्यक्त गरेका छन् ।
