रत्ननगर नगरपालिकाका मेयर प्रल्हाद सापकोटाले रत्ननगरलाई दुर्व्यसनी मुक्त नगर बनाउने घोषणा गरेका छन् ।
टिकौली चौरमा शनिबार चौथोँ राष्ट्रपति रनिङशिल्ड प्रतियोगिताको उद्घाटन गर्दै मेयर सापकोटाले शिक्षा र खेलकुदको माध्यमबाट दुर्व्यसनी मुक्त नगर बनाउने बताए ।
दुर्व्यसनी मुक्त नगर निर्माणको लागि नगर स्तरीय समिति बनाएर काम सुरु भइसकेको भन्दै उनले दुर्व्यसनी अन्त्यका लागि गाउँ,टोल,समाज,वडा र विद्यालयहरुमा सचेतनामुलक कार्यक्रम सञ्चालन भइरहेको बताए ।
राष्ट्रपति रनिङशिल्ड प्रतियोगिताले राष्ट्रिय स्तरमा नगरको खेलाडी उत्पादन गर्न सहयोग पुग्ने बताए । उद्घाटन कार्यक्रममा संस्थापक मेयर नारायण वन,उपमेयर यादव प्रसाद पाठक लगायतले मन्तव्य राखेका थिए ।
