सहकारीका सञ्चालकलाई एक महिनाभित्र दोहोरो पद छाड्न निर्देशन

spot_img

काठमाडौं । सहकारी विभागले एउटै व्यक्ति दुई वा त्यसभन्दा बढी सहकारी संस्थाको सञ्चालक हुन नपाउने व्यवस्था गरेको छ । विभागले कोही दोहोरो पदमा रहेको भए त्यसलाई त्यागेर एकल पद कायम गर्न सबै सहकारी संस्थालाई आज निर्देशन दिएको हो ।

सहकारी ऐन २०७४ को दफा ४१ (५) मा कुनै व्यक्ति एकै समयमा एकमात्र सहकारी संस्थाको सञ्चालक हुन सक्ने व्यवस्था रहेकोले ऐनको उक्त प्रावधान कार्यान्वयन गर्न निर्देशन जारी गरिएको सहकारी विभागका रजिष्ट्रार पीताम्बर घिमिरेले जानकारी दिए । सहकारी बैंकको हकमा पनि पनि यस्तै निर्देशन दिइएको छ ।

यो निर्देशन कार्यान्वयन भए–नभएको अनुगमन गरिने र यदि कार्यान्वयन नभएको पाइएमा कानुनबमोजिम कारबाही गरिने पनि विभागले जनाएको छ । विभागले आजै सहकारी संस्थाका ऋणीहरुको कर्जा तीन महिनाका लागि पुनर्तालिकीकरण गर्न परिपत्र पनि गरेको छ ।

‘परिस्थितिजन्य कारणले समस्यामा परी कर्जालाई नियमित गर्न नसकेका ऋणीलाई कर्जा चुक्ता गर्न परेको कठिनाईलाई दृष्टिगत गरी ऋणी सदस्यलाई परेको प्रभाव मूल्याङ्कन गरी सदस्यको माग, आवश्यकता र औचित्यका आधारमा गत वर्ष खराब ऋणीको सूचीमा नपरेका र यसअघि यस्तो सुविधा नलिएका ऋणीहरुको हकमा मात्र कर्जा पाकेको ५० प्रतिशत ब्याज भुक्तानी गरेमा बाँकी साँवालाई तीन महिनाको अवधिका लागि पुनर्तालिकीकरण गर्न सकिनेछ’, विभागको परिपत्रमा भनिएको छ ।

राप्तीमा यसअघि पनि दोहोरो सञ्चालकमा रहनु भएका सहकारीकर्मिलाइ पत्राचार गरि सकेको हो । तर त्यो कार्यन्वयनको पक्षमा रहेको छ । अहिले विभागलेनै चासो देखाएको छ । राप्तीमा पनि यो काम सुरु हुन्छ ।

शैलेन्द्र भण्डारी
प्रमुख प्रशासकीय अधिकृत

राप्तीका अधिकांश सहकारी सञ्चालकमा यो समस्या रहेको छ । उहाहरु यहाको प्रमुख पनि रहनु भएको छ भने जिल्ला, प्रदेश र संघको समितिमा समेत रहनु भएको छ । मौखिक तथा लिखित रुपमा उहाहरुलाइ एउटा रोज्नको लागी अनुरोध गरिएको हो । अव विभागको परिपत्र अनुसार उहाहरुलाइ हामी पुन पत्राचार गर्नेछौ ।

शमशेर लामा
नगर प्रमुख

LEAVE A REPLY

Please enter your comment!
Please enter your name here

सम्बन्धित समाचार

ताजा समाचार